De nieje Marcht

Na, Water­mä­ken, wie süht dat sau ut op en Schein­schen March­te?
As immer, Fru Her­zo­gin, as immer.
Aber Water­mä­ken, de Marcht sall doch nu ganz nie´t wern. Sind se denn all dabie?
Wo den­ket sei hen, Fru Her­zo­gin, erst hätt se hier un da en paar Löcker ebud­delt un se denn wed­der tau­eschuf­felt. Un nu täu­bet se woll noch op anne­re Anje­bo­te oder op Jeld oder wat wett ick.
Pass op, Water­mä­ken, un wenn se denn noch bie´n Bud­deln oole Kno­ken oder Mu´ern find, denn kummt de Denk­mals­ple­je mit de Archäo­lo­gen. Glö­be mick, denn sau ward dat mit de Sanee­rung tau Uulen­pin­ges­ten wat.
Fru Her­zo­gin, willt wi mal hoo­pen, dat bie de Nie­jes­tal­tung ok veel Greun un Blau­men mid­de ine­plant werd.
Dat is sau´ne Sache, Mäken. Et is ja in Mode ekoomen, Rasen, Büsche un Blau­men ruut ut den Garen un Kie­sel­stei­ne rin. Man­nich ein plas­tert sie­nen Vor­ga­ren sau akke­rat, dat hei utsüht, as de Park­platz von Marcht­kauf.
Fru Her­zo­gin, dat is bal­le Jeschich­te, desta­we­jen, weil de Greu­nen dat vorbei´en willt von wejen de Umwelt. De Immen, de Piep­mät­ze un wat da süss noch fleucht un kreucht hätt ja in sau´ne Stein­wüs­te nißt mehr tau picken un tau snö­kern.
Ja, ja, Water­mä­ken, de Umwelt is nu in aller Mun­de, un dat welt­wiet. Dat lütt­je Gre­ta hat ja de UNO ban­nich ope­mi­schet.
Fru Her­zo­gin, wat göbet sei, op de ok mal na Schei­nich kummt?
Dat is ne Idee, Water­mä­ken. De kön­ne ja denn mal de Bör­jer­mes­ter­wahl en bet­chen op Trapp brin­gen. Bet nu is de Sache ja ban­nich lang­wie­lig.
Kann´en sau nich säj­jen, Fru Her­zo­gin. Op en paar Vor­an­stal­tun­gen hätt sick de Kan­di­da­ten all ewie­set. Sau­gar de Minis­ter Heil was all hier op en March­te.
Kiek hen, Water­mä­ken, wat hat hei denn esä­jjt?
Sau jenau kon­ne man ne nich vor­stahn, Fru Her­zo­gin, weil hei sick ganz ohne Mikro mit en paar Schein­sche wat vor­tällt hat.
Water­mä­ken, wat sall hei woll ok säj­jen? Dat, wat alle Poli­ti­kers säj­jet: man mot den Bür­jer afhaa­len.
Un mid­de­neh­men Fru Her­zo­gin, un mid­de­neh­men. Gra­de in´n Kli­ma­schutz. Aber mal ehr­lich, wo willt se uns in Schei­nich afhaa­len, un ober­haupt, wo willt se uns denn mid­de hen­neh­men? Water­mä­ken, viel­lich­te in de Ark­tis. Da könnt wi denn mal kon­tro­leern, op de Ies­bä­ren all en Son­nen­brand hätt. Sau wiet kummt dat. Von mick ut könn­te se uns afhaa­len un mid­de­neh­men, wohen se willt. Haupt­sa­che se brin­get uns ok wed­der retour in´t bod­den­stän­ni­ge Scheinich.