Dat Schwimmbad is tau

Dat nie­je Schwimm­bad

Ach, wat bin ick froh, dat et nu vor­bie is. Nee, aber ok, wat bin ick froh! Water­mä­ken, wat is denn vor­bie, woro­ber du sau froh bist? De Wahl, Fru Her­zo­gin, de Wahl. Water­mä­ken, ut de Num­mer sind wi noch lan­ge nich ruut. Nu kummt ja noch de Land­dags­wahl. Aber nu säj­je mal: warüm­me rejest du dick denn da sau ober op? Fru Her­zo­gin, wi bele­bet et jeden Dag. Nee, aber ok, wie de Poli­ti­kers mit­en­an­ner umme­ga­ht. De AFD will Fru Mer­kel vor sick herdrie­ben un Fru Nah­les will alle wat in de Fres­se haun, un, un, un…. Nu krie­je dick man mal wed­der in, Water­mä­ken. Fru Mer­kel un Herr Schulz hätt sick in Fer­sehn jejeno­ber aber ganz manee­rich ope­führt. Ja, un wat was, Fru Anna Sophie? De Lü’e hätt lamen­te­ert, dat de Dis­kus­si­on sau lang­wie­lig was. Water­mä­ken, dat is doch klar. Dat Jespräch was an Sünn­da­g­abend, an Tat­or­ta­bend. Da will de Fern­seh­kie­ker nu mal Mord un Dot­schlag. Aber mal wat anne­res. Man sall et nich glöb­en, de det­sche AFD hat ok in Schei­nich 10 % ekre­jen. Use Schein­schen Poli­ti­ker sind desta­we­jen nich baden egahn, aber viel­lich­te doch en bet­chen in’t Schwim­men ekoo­mem. Na, ja, sau lan­ge se nich underg­aht. Nee, Fru Her­zo­gin, dat geiht ja gar nich.

Das Schöninger Schwimmbad
erfri­schend
das Was­ser
im neu­en Schwimm­bad
ein Schwimm­be­cken ohne Men­schen
Mist

Dat Schwimm­bad is tau. Ja, war­um dat all wed­der? Et was sau, Fru Her­zo­gin, nich blots de Wahl hat orn­ti­ch rin­ne­haut, nee, ok de Blitz. Water­mä­ken, wie sall ick denn dat nu wed­der vor­stahn? Als­au, Fru Anna Sophie: ober Schei­nich tobe en Jewit­ter, un den­ne hat et ganz dul­le kracht un sau’n Kugel­blitz is in en Wohn­huus hinesla’n un ober de Tele­fon­lei­tung in’t Schwimm­bad eloo­pen un hat de gan­ze Tech­nik kaput­te­bal­lert. Nu geiht mal wed­der gar nißt mehr. Wat dat wed­der kost! Water­mä­ken, Water­mä­ken, da könnt wi ja blots hoopen, dat de Stadt gut vor­si­chert is, wo se doch von wejen de Finan­zen dat Water bet tau’n Hals steiht. Mit un ohne Bade­an­stalt. Sei säj­jet dat, Fru Her­zo­gin, sau’n Schwimm­bad, dat kost, dat kost. Aber mal ehr­lich, op bie dat Dun­ner­wet­ter nich de AFD nae­hul­pen hat?

Foto: Karl-Heinz Dube; Gedicht: Georg Much